Board logo

標題: 學真係好難呀 [打印本頁]

作者: benjamin11    時間: 2017-11-28 23:19     標題: 學真係好難呀

學鋼琴真係好難呀....


本身我對學鋼琴真係一曉不通,只因為想比一個意外驚喜男朋友先比錢去學,佢已經有演奏級,當然我係比唔上佢咖啦。其實之前佢都有教過我H,只可惜我手腳真係有啲唔協調,總係彈唔完一首歌。今年係我地拍拖第三年,好想係紀念日比一個意外驚喜佢,令佢永遠記住。我亦揀左一首佢好中意H歌,《vincent》去學。我每一日都花三小時去練琴,但總係好似腦生草咁,永遠都跟唔上拍子。


我開始想放棄了,我天生唔係學琴H材料,無論我點努力都好,連一首歌都跟唔上。當我想放棄之時,我的鋼琴老師因為中風而入左醫院....我收到呢個消息好震驚,我馬上去到醫院探望佢,佢只淨下一半的說話能力,連企起身都困難。我去探望佢時,只看到他的家人不斷地安撫佢H情緒。我亦不敢走上前,只令佢更加激動。


我回家時不斷思考,點解呢個世界咁唔公平,會令一個咁有才華H人中風,令佢承受生不如死,因為我老師其實係一個熱愛音樂H人,佢總係說音樂係我地H靈魂,如果音樂不存在於世上,佢就不會存在。佢深信音樂係可以治癒一切,但佢而家莫講話彈琴,佢H演奏級再無作為了,佢連水都拎唔起呀。


我地人生花上太半生都係追求上,到底我地追求H係啲乜,我地可以一夜之間無哂所有野,反之人生無風無浪H人又係唔係幸福呢。我而家學鋼琴只係為左男朋友,而我本生係一個文員,每日都好悶咁處理文件。到底我咁做係為左啲咩呢?


待續....




歡迎光臨 百識之谷 - 香港Battle Spirits 討論區 (http://hkbs.freebbs.tw/) Powered by Discuz! 5.0.0