老老實實...頭一兩次被放飛機火就梗嫁啦
亦都會咀咒放你飛機果個人..
但係過程當中,大家都應該學識點樣防範被放飛機
此post會概括講出一d防範被放飛機既技巧俾大家參考..
1.當大家開始交涉既時候....
a.態度要好..(重點)
b.係交涉(pm)其間不妨同對手吹吹水..
係吹水內容中探出對方其實大約預幾多錢收野,其實最想要咩野..
因為對方愈想要就愈唔會放你飛機
c."叫你幫手收住先"依d說話一出現,除非你本身有,或者你朋友有且可以"借"住嚟放
,一定要say no,始終依家d人大多都係"貧友''且道德水平薄弱..放你飛機唔出奇嫁
2.交涉差不多完成既時候..
a.請對手留低手電...(重點)
b.順便問吓佢之後有咩想要..致用於建立長遠關係
3.交易當日.....
a.前一晚or早幾個hour打俾對方確保對方記得交易
b.準時...(重點)
c.交易時間唔好定得太死,即係例如下午5點易..你可以話5點到5點半
一嚟自己輕鬆..二嚟是但一邊早到都唔會有藉口去嘈...
基本上做齊以上動作佢都可以放你飛機...你真係可以將佢黑名單
皆因好多時交易對象都係小學,初中既朋友仔,一係唔記得,一係本身就冇錢唔出奇
所以都要抱有體諒既態度...一手收錢,一手放咭咪大家開心..
事前做足準備之後咪俾人放少d飛機,爆少兩句粗low...=4=
|