又話比您聽, 相比起遊戲王, 我覺得BS卡唔算太保值, 而且係低齡向(小朋友好快玩厭)
啲卡要保值升值, 有價有市, 一定要多人玩, 但Bandai太多卡game同太花心, bs捱到幾耐都係未知之數, 宜加又有VG卡, 熱潮一過就收皮
舉個例, 我屋企附近有間卡鋪, 有十幾年歷史, 舖入面有兩幅牆掛卡, 一幅牆成日轉---POKEMON>召喚王>GUNDAM>到宜加BS; 另一幅牆十幾年未轉過----遊戲王
Pokemon卡隻夢夢以前賣幾百蚊, 前排個老細汁卡, 發現咗一張, 我問老細幾錢, 老細話40比我
如果您想保值升值, 就去儲遊戲王卡, 不過咁多代追死您
我個人認為BS出咗5年左右, 成績都唔錯, 應該都幾有前途, 而且啲卡都幾靚幾有意思, 純收藏都OK,